بيف ستروجانوف على الطريقة الروسية
طريقة عمل وتحضير و إعداد وصفة بيف ستروجانوف على الطريقة الروسية – beef stroganoff مكتوبة من المطبخ الروسي بالصور
مكونات ومقادير عمل وصفة بيف ستروجانوف :
كيلو لحم بقر فيليه مينيوون مقطع صغار
٣ ملاعق زبده
٣/٤كوب بصل مقطع
نص كيلو فطر طازج
٢ وربع ملعقة طحين
١/٣كوب مرق لحم
١/٣كوب قشطة خفق
١/٢كوب ساور كريم
ملعقتين خردل يفضل خردل ديجون
ملعقتين شبت وملعقتين بقدونس مفروم
ملح وفلفل خشن
كيفية وطريقة عمل وتحضير و إعداد وصفة بيف ستروجانوف :
أول شي سخني مقلة على حرارة عاليه يفضل تكون ستانلس ستيل
بعدين و المقلة تسخن نشفي اللحم زين عشان يتحمر صح
الحين تبلي اللحم بملح وفلفل بعدين حطي شوي زيت ( موب زيت زيتون ) في المقلة و أطبخي اللحم ولاتحركينه كثير عشان يتلون صح
أطبخيه إلين بس يتلون ٣-٤ دقايق بعدين شيلي اللحم على صحن
الحين شيلي الدهن الزايد اللي في المقلة بعدين حطي الزبده وعلى حرارة وسط أطبخي البصل و حاولي تمسحين قاع القدر عشان يلين القطع البنية اللي فيها الطعم
الحين أرفعي الحرارة شوي وحطي الفطر ورشة ملح وفلفل و أطبخي الفطر إلين يتلون ١٠- ١٥ دقيقة تقريبا
الحين رشي الطحين فوق الفطر و حركي ونزلي الحرارة إلى أقل من وسط وحركيها حوالي دقيقة
.الحين أضيفي المرق، القشطة ، الساور كريم ، الخردل ، و المويه اللي نزلت من اللحم . وخليها تطبخ على غلية جدا جدا خفيفة إلين تثقل .لا تخلينها تغلي !!! أنتبهي
الحين رجعي اللحم للقدر مع الصوص وبعدين أضيفي الأعشاب ذوقي الصوص و اللحم وشوفي إذا تحتاج ملح أو فلفل بعدين قدمي مع المكرونة او الخبز