شوربة الشمر والجزر

طريقة عمل وصفة شوربة شومر والجزر – carrot and fennel soup recipe شوربة سهلة وسريعة ولذيذة مكتوبة بالصور

شوربة جدا سهلة ومن أطعم الشوربات اللي ذقتها ، لا تنسين طعم الشوربة يتحسن كل ما كان المرق أطعم وكل ما كانت المكونات طازه

مكونات ومقادير عمل وصفة شوربة الشومر والجزر :

حبتين شمر القلب بس ، مقطعة شرايح ١/٤ إنش تقريبا .

نص كيلو جزر مقطع حلقات نفس الحجم

بصله كبيرة مقطعة أجنحة بعد نفس الحجم
٣فصوص ثوم
تقريبا ٥ ملاعق زيت زيتون
١/٢ملعقة سكر
٤أكواب مرق دجاج
ملعقة صغيرة من بذور الشمر

كيفية وطريقة عمل وتحضير و إعداد وصفة شوربة الشومر والجزر :

سخني الفرن على ٤٥٠

بعدين حطي الخضار ورشيها بشوي زيت زيتون وملح وفلفل و سكر في صينية فرن كبيرة،وحطيها في رف الفرن الأسفل وخليها تتحمر إلين تبدأ تلون شوي حوالي ٢٥ – ٣٠ دقيقة وطبعا حركيها بعد نص الوقت عشان تستوي من تحت

بعدين حطي الخضار المحمرة في قدر كبير مع المرق وخليها تطبخ حوالي ٢٥ دقيقة

بعدين أطحني الشوربة ورجعيها على النار و عدلي الطعم لو تبين بالملح و الفلفل أو لو تبين زيدي مرق عشان تخففينها أو خليها شوي تطبخ عشان تثقلينها .