طماطم مجففه بالفرن
طريقة عمل وتحضير و إعداد وصفة الطماطم المجففه بالفرن – oven dried tomatoes مكتوبة بالصور
كيفية وطريقة عمل وتحضير و إعداد وصفة تجفيف الطماطم بالفرن :
أول شي تسوينه إنك تشرين كمية طماط من نوعية جيدة كمية كبيرة عشان تسوين كمية كبيرة، حاولي تختارين طماط مستوي وطعمه جيد.
بعدين تقطعين الطماطم أنصاص بالطول و ترصينهم في صينية وتخلين الوجه المقطوع فوق .
بعدين تقطعين ثوم وتخلطينه مع زيت زيتون وملح وفلفل .
طبعا هذي الأساسية بس أبدعي هنا حطي اللي تبين . وبعدين تدهنين وجه الطماطم بهذا الزيت.
شغلي الفرن على ٢٠٠ فهرنهايت وحطي الطماط فيها ..
راح تاخذ حوالي ٨ ساعات عشان تنشف نسبيا .
لو تبينها شوي رطبة عشان تاكلينها خليها وقت أقل .
المسألة في النهاية على راحتك أحيانا أخليها ساعتين و آكلها كطبق جانبي و أحيانا أخليها ٤ أو ٥ ساعات .
بس إذا تبينها قريبة من الطماط المجفف خليها وقت أطول.بعد ماتخلطين خليها تبرد
و أحفظيها في علبة تتقفل حوالي أسبوع
أو لو سويتي كمية وتبين تحفظينها لوقت طويل
يمديك تحطينها في علبة أو مرطبان و تغطينها بزيت زيتون
طبعا تأكدي إن الزيت يغطيها كونه هو اللي بيحفظها .
بعدين غطي العلبة وحطيها في الثلاجة، تقعد كذا الظاهر سنة ما عندك مشكلة.
